ESKOLAZ KANPOKO JARDUERAK 2009-2010 IKASTURTEA

Guraso agurgarriok:

Berriz ere eskolaz kanpoko jarduerak prestatzen ari gara eta hori dela eta gauza batzuei buruz informazioa eman nahi dizuegu:

Patxi Larrainzar Guraso Elkartea eskolaz kanpoko jarduerak antolatzeko arduraduna da, baita honetarako beharrezkoak diren leku guztien erreserbak egiteko ere. Halaber aipatutako jarduerak suspenditzeko gaitasuna dauka, puntualki (Sta. Ageda egunean, Inauterietan, greba egunetan e.a.)

Jarduera guztiak BATERATUAK daude, eta arautegi bakarrari atxikitzen zaizkio.

KEXAK, IRIZPIDEAK ETA ZALANTZAK ESKOLAZ KANPOKO JARDUERAK BATZORDERA ZUZENDU BEHAR DIRA (Guraso elkarteko postontzian, atezaintza) SEKULAN EZ ESKOLAKO ZUZENDARITZARA EZTA JANTOKIKO LANGILEEI ERE. (Guraso Elkarteko iragarki-taulan jarduera bakoitzako edukiaren laburpena ikus daiteke)

Inskribitzeko jarraibideak:

1.- Inskripzio orria bete eta aurrerakin zenbatekoa ordaindu (40€) guraso elkarteko diru kontuan (Jardueren zerrendan agertzen dira zenbatekoa, epeak eta ordaintzeko datak)

2.- Inskripzio orria ordainketaren ziurtagiriarekin batera eramanen da atezaintzara.

3.- Eskaera epea bukatu ondoren taldeak osatuko dira, (horretarako taldeko jarraipenari lehentasuna emanen zaio eta eskaera gehiegi baldin badira, plazak zozketatuko dira), eta guraso elkarteko iragarki –taulan argitaratuko dira.

4.- Sor daitezken erreklamazioak atendituko dira eta behin betiko zerrendak argitaratuko dira. (Eskatutako ordutegian edo jardueran plaza lortu ez dutenei Guraso elkarteak bueltatuko die ordaindutako dirua).

· INSKRIPZIO EPEA: irailaren 10tik 16ra ( ATEZAINTZAN)
· BEHIN BEHINEKO ZERRENDEN ARGITARAPENA: IRAILAREN 22an(Guraso Elkarteko iragarki-taulan)
· ERREKLAMAZIO EPEA: IRAILAREN 22tik 24era (17:00/18:00)
· BEHIN BETIKO ZERRENDEN ARGITARAPENA: IRAILAREN 28an (Guraso Elkarteko iragarki-taulan)
· HASTEKO DATA: URRIAREN 5an.

2009/10 IKASTURTERAKO BEKAK

TESTU LIBURUEN EROSTEKO DIRULAGUNTZAK
Guraso agurgarriak;
Nafar Gobernuko testu liburuetarako dirulaguntzak eskatzeko epea ireki da, 2009/10 ikasturtean Lehen eta Bigarren Hezkuntzan ihardungo duten ikasleentzat.

- Hurrengo ikasturterako Beka Deialdi bakarra duzue hau (MEC-eko deialdirik ez da izanen)

- Hurrengo ikasturtean 1. edo 2. mailetan ikasleek bakarrik eska dezakete (LHko 3., 4., 5. eta 6.; eta DBHko 1. mailetakoek testu liburuen doakotasun programan parte hartuko baitute)

- Deialdian parte hartu nahi izanez gero, inprimakiak ikastetxeko atezaintzan dituzue.

- Eskaerak Patxi Larrainzarko Idazkaritzan aurkeztuko dira, baldin eta 2009/10 ikasturtean ikaslea ikastetxe honetan jarraituko badu.

- Epea: Ekainaren 8tik 19 arte (biak barne) , goizeko 8:45etatik 10:45etara.

INFORMAZIO BATZUK: 2009-2010 IKASTURTEKO EGUTEGIA ETA UDAKO TAILERRAK EUSKARAZ

Guraso agurgarriak:

Ohar honen bidez informazio batzuk eman nahi dizkizuegu:

- 2009-2010 IKASTURTEKO EGUTEGIA
- Umeentzako tailerrak euskaraz (IPES ELkartea, 2009ko Abuztua)

GURASOENTZAKO TAILERRA: “Cómo mejorar las relaciones de pareja”

GURASOENTZAKO TAILERRA:

- Data: Maiatzaren 14an (osteguna)
- Gaia: “Cómo mejorar las relaciones de pareja”
- Lekua: Areto Nagusian. ( 1. solairuan)
- Ordua: 15:00etatik 16:30etara
- Hizlaria: Carmen Izal. Psikólogo klinikoa.

HAUR ETA LEHEN HEZKUNTZAKO IKASTETXEETAKO IKASLEEN GURASOELKARTEETARAKO IRUÑEKO UDALAREN PRESTAKUNTZA PROGRAMA

INFORMAZIO BATZUK: Galdutako arropak, komunak eta huste ariketa simulazioa

Guraso agurgarriak:

Ohar honen bidez informazio batzuk eman nahi dizkizuegu:

1. Galdutako arropen ontzia betea dugu. Beraz, aste beteko epean erretiratzen ez den arropa GKE batera eramango da.

2. Apirilaren 27tik aurrera ikasleek, ikastetxetik ateratzen direnean, patiotik sarrera zuzena duten bainuak erabiliko dituzte.

3. Datozen egunetan antolatu dugun Larrialdi Planaren barruan, Huste ariketa simulazioa egingo dugu.

TAILERRA: “Educación sexual y afectiva para madres y padres”

GURASOENTZAKO TAILERRA:

- Data: Apirilaren 23 (osteguna), 28 (asteartea) eta maiatzaren 7an (osteguna).
- Gaia: “Educación sexual y afectiva para madres y padres”. Gehienez 20 pertsona.
- Lekua: Areto nagusian.
- Ordua: 15:00etatik 16:30etara.
- Hizlaria: Montse Velasco. Andraizeko Sexu Hezitzailea.

PARTE HARTZE MUGATUA DENEZ Apirilaren 20,21 edo 22an INTERESATUOK ESKOLAKO IRAGARKI TAULAN IZENA PARATU BEHARKO DUTE.

GURASOENTZAKO HITZALDIA: Como mejorar la convivencia en la comunidad escolar

GURASOENTZAKO HITZALDIA:

- Data: Martxoaren 26an (osteguna)
- Gaia: “Como mejorar la convivencia en la comunidad escolar”
- Lekua: Areto Nagusian. (Eraikuntza berriaren 1. solairuan)
- Ordua: 15:00etatik 16:30etara
- Hizlaria: Patxi San Juan. Biurdanan I.Pko orientatzaile ohia. Egun Hezkuntza Departamentuko
Elkarbizitzarako Aholkularitzan lan egiten du.

2009/2010 ikasturterako Aurreinskripzio Kanpaia

Bilera informatiboa:
- Martxoaren 5ean arratsaldeko 17:00etan -

Arrotxapean duzun D (euskaraz) ereduko ikastetxe publikoan zuen zain izanen gara

Inauteriko egitaraua

Guraso agurgarriak:
Otsailaren 20an, ostirala, inauteriak ospatuko ditugu eta hemen duzue prestatu dugun egitaraua.

1. Arratsaldeko 5:00etan, “Txokolatada” Ave Maria parkean, Errotaberri elkartearen ondoan.

2. Arratsaldeko 5:45etan, kalejira egingo dugu auzoan zehar txarangaren musikaz lagundurik.
Ibilbidea:
- Bernardino Tirapu Kalea
- Maiteminduen Parkea (Geldialdia)
- Arbizu Kalea
- Izaba Kalea

3. Arriurdineta elkartearen ondoan “Txistorrada”.

Anima zaitezte eta mozorroturik etorri.

Agur bero bat.

Otsailak 20an inauteriak ospatuko ditugu

Guraso agurgarriak:
Datorren ostiralean, otsailak 20an inauteriak ospatuko ditugu. Eskolako ordutegi arrunta mantentzen da.

Hona hemen egitaraua:
- 15:00etatik 15:30etara: Geletan prestatzea.
- 15:30etatik 16:30etara: Patioko aterpean jaialdia.
- 16:30etan: Geletara itzuli.

OHARRAK
- 15:20etan jaialdia ikustera etorri nahi duten gurasoentzat irekiko da patioko hesi txuriko atea.- Mesedez eskatzen dizuegu, errespetatzea zuentzako prestatutako tokia.
- Jaialdia bukatzen denean, haurrak bakoitzaren irakaslearekin geletara itzuliko dira.

Eta anima zaitezte mozorratuta etortzen!

AGUR BERO BAT

Otsailaren 4an, Santa Ageda

Guraso agurgarriak:

Datorren asteazkenean, otsailaren 4an, eskolan Santa Ageda bezpera ospatuko dugu. Egun horretarako makila, zapia eta txapela ekartzea eskatzen dizuegu.

Aldez aurretik eskerrak emanez zuen partaidetzagatik, agur bero bat.

Iruñean, 2009ko otsailaren 2a.

Ikastetxeko Pedagogi Batzordea.
Zuzendaritza taldea.
=================================
Bide batez, adierazi nahi dizuegu Ikastetxeko Web orrialdea hurrengo egunetan martxan jarriko dugula. Hona hemen helbidea: http://www.pnte.cfnavarra.es/cppalarr
=================================

Tailerra: “Cómo ser hombre y padre y no morir en el intento”

- Data: Urtarrilaren 26 eta Otsailaren 2an (astelehena)
- Gaia: “Cómo ser hombre y padre y no morir en el intento”
- Lekua: Areto Nagusian. (Eraikuntza berriaren 1. solairuan)
- Ordua: 15:00etatik 16:30etara
- Hizlaria: Bittor Agiñariz. Tafallako I.Pn Orientatzailea. Pedagogo eta Giza Hezitzailea.

HAUR ETA LEHEN HEZKUNTZAKO IKASTETXEETAKO IKASLEEN GURASOELKARTEETARAKO IRUÑEKO UDALAREN PRESTAKUNTZA PROGRAMA

Eskolako Inauteri jaia

Guraso agurgarriak:

Ohar honen bidez, honako hau adierazi nahi dizuegu: Eskolako Inauteri jaia otsailaren 20ko arratsaldean eginen dugula.

Halaber, gogorarazi nahi dizuegu otsailak 27, martxoak 2 eta 3a jai-egunak izango direla.

Laster arte, agur.

Zuzendaritza taldea eta Klaustroa